بسم الله الرحمن الرحيم
سكة سفر
ياااااااااما ناس كتير بتتقابل
ياإما جاي .... ياإما مغادر
فرحة للرجوع...ودمعة لقلب حاير.
الناس بتتقابل في سكة سفر
منهم..... مسافر مهموم
ومنهم ......راجع للغيوم
ومنهم سعيد..... وسعادته تملي الكون.
الناس بتتقابل في سكة سفر
في ناس ....مبهدلين
وناس مش..... آمنيين
وناس كل همها .....توصل في دقيقتين.
الناس بتتقابل في سكة سفر
ناس ماتملك..... تمن تذكرة
وناس بفلوسها .....مسيطرة
وكمسري ........محترم
وكمسري أاااااااااااااخر أفورة .
الناس بتتقابل في سكة سفر
في ناس حابة ....الفراق
وناس ماتعرف ......وفاء
وناس كل همها...... يتحقق لها رجاء.
الناس بتتقابل في سكة سفر
ناس ع العهد.... باقيين
وناس للود...... شاريين
وناس ماتفرق معاها. مت ...ولا كنت من السالمين .
الناس بتتقابل في سكة سفر
في ناس من الفراق..... متأثرة
وناس مايغرق معاها أي..... تذكرة .
وناس سافرت.. أو رجعت.. ماتلاقي لوجودهم صدي .
الناس بتتقابل في سكة سفر
في ناس علي البعاد... متعودين
وعلي سكة سفر... حياتهم مقضيين
عايشين في غربة هنا...وهناك مش مرتاحين .
الناس بتتقابل في سكة سفر
ناس بتحب ..وناس بتشد..وناس تساعدك.. وناس بتهد
ناس بتبكي...وناس بتدعي...وناس قلوبهم من الوجع تدمي
ناس تجذبك...وناس ترعبك....وناس وشوشها بريئة في لحظة تأثرك
ناس ضحكتها صافية.....وناس تتمني تقابلها ولو لحظة دافية ..
اللهم من كان منا علي سفر فأبلغه مآمنه.
اللهم....ردنا اليك ردا جميلا...
✍️...دعاء حجر.....
تعليقات
إرسال تعليق